أمان الله ماهواش بطل
أمان الله شاب تونسي عادي آمن بأفكاره ودافع عليها في العالم الإفتراضي ولكن زاده في عالمنا إلي نعيشو فيه
أمان الله طالب تونسي وقع اعتقاله و تعنيفه والحاقه قسرا بالخدمة العسكرية رغم أنو من حقه يكمل قرايته وتجنيده بالصورة هذه فيها إساءة كبيرة لصورة الجيش التونسي
لكن
...
للأسف
...
أمان الله ما يتحكاش عليه في البرلمان الأوروبي
أمان الله ما كسرش تابوهات و ما عملش أفلام تقدمية وما كرموهش في المهرجانات العالمية
أمان الله ماسبش الجلالة باش يُعتبر "مبدع" و يدافعو عليه الوخيان "المبدعين" و يدقو جرس الإنذار ويندبوها على الحداثة وحقوق الإنسان
...
أمان الله ماهواش بطل ولكن مواطن تونسي من حقه أنو يعبر عن رايه خاصة بعد 14 جانفي وفي تونس "الثورة" أو هكذا يقال
أمان الله رمزللحرية، حريته من حرية أي تونسي وكرامته من كرامة أي تونسي
أمان الله نتمناو له الحرية كيما نتمناوها لأي تونسي
0 commentaires:
Enregistrer un commentaire